Sáttnefnd hagsmunaðila í sjávarútvegi, þingflokka ofl.  um endurskoðun á lögum um stjórn fiskveiða skilaði lokaskýrslu og tillögum til sjávarútvegsráðherra í gær.

Starfshópurinn náði víðtækri sátt um  tvö mikilvægustu málin.
-Í fyrsta lagi að fara svokallaða samningaleið er varðar samninga við sjávarútvegsfyrirtæki  um langtímanýtingu aflaheimilda og endurúthlutun, þó svo að einstaka nefndarmenn hafi fyrirvara um ákveðin atriði.
-Í annan stað var einróma niðurstaða að mæla með því að áfram verði byggt á aflamarkskerfi við stjórn fiskveiða.

Það er mjög mikilvægt fyrir langt og strangt nefndarstarf að það skilaði að lokum þeirri niðurstöðu að hópurinn náði saman um þessi tvö grundvallaratriði við stjórn fiskveiða, eins og segir í bókun fulltrúa SF á lokafundi sáttanefndar 6. september sl.  sem fylgir með þessari frétt.

Lokaskýrslu sáttanefndar ásamt bókunum og örðum fylgikjölum  er að finna á http://www.sjavarutvegsraduneyti.is/frettir/frettatilkynningar/nr/10194

Skjöl:

Bókun fulltrúa Samtaka fiskvinnslustöðva 6. sept 2010

280 Kb

Þann 6.-7. september 2010 verður haldin Sjávarútvegsráðstefna á Grand Hótel í Reykjavík. Hugmyndin er að skapa samskiptavettvang allra þeirra sem koma að sjávarútvegi á Íslandi.

 Sjávarútvegsráðstefnan ehf. sem sér um ráðstefnuna er opið félag sem allir geta gerst hluthafar, sjá nánar á vefsíðu félagsins www.sjavarutvegsradstefnan.is en þar er einnig hægt er að sækja dagskrá og aðrar upplýsingar.
Skráning fer fram á vefnum http://frontpage.simnet.is/ipg/sjavarreg.asp

Aðalfundur Samtaka fiskvinnslustöðva verður haldinn föstudaginn 24. september nk. að Grand Hótel  við Sigtún í Reykjavík.

Ráðgert er að fundurinn hefjist með venjulegum aðalfundarstörfum kl. 11.00 og er áætlað að fundinum ljúki um kl. 16.00.  Nánari dagskra  verður kynnt þegar nær dregur fundinum.

Við yfirferð á markaðsaðgangi fyrir makríl til Evrópusambandsins (ESB) uppgötvaðist villa í tollakerfi ESB varðandi frosin makrílflök. Samkvæmt EES-samningnum og fríverslunarsamningi Íslands og ESB frá árinu 1972 skal útflutningur á frosnum fiskflökum, af öðrum tegundum en ferskvatnsfiskum vera tollfrjáls. ESB hefur leiðrétt villuna afturvirkt frá 1. janúar 2010 og er því útflutningur á frystum makrílflökum frá Íslandi til ESB tollfrjáls. Ef fyrirtæki hafa flutt fryst makrílflök með tolli til ESB fyrir 1. janúar 2010 er viðkomandi aðilum bent á að hafa samband við utanríkisráðuneytið.

Skipaður hefur verið sjö manna starfshópur til að undirbúa kynningu á vottuðu merki sem staðfestir ábyrgar fiskveiðar Íslendinga.  Hópurinn var skipaður á fundi með forsvarsmönnum fyrirtækja í sjávarútvegi, sem Fiskifélag Íslands boðaði til þann 25. febrúar. 

Undanfarið ár hefur Fiskifélagið gefið seljendum íslenskra sjávarafurða kost á að merkja vörur sínar með íslensku upprunamerki (Iceland Responsible Fisheries).  Á vegum félagsins hefur nú verið undirbúin ný útgáfa merkisins, sem felur í sér vottun óháðs, faggilts aðila.  Írsku vottunarstofunni Global Trust Certification Ltd. hefur verið falið að setja upp vottunarkerfi, byggt á tæknilegum kröfum sem Fiskifélagið hefur þróað.  Kröfurnar eru samkvæmt leiðbeiningum Matvæla- og landbúnaðarstofnunar Sameinuðu þjóðanna (FAO). 

Undirbúningur vottunar er langt kominn.  Áætlað er að vottun fyrstu fiskistofnanna verði lokið á þessu ári.  Verkefni starfshópsins er að undirbúa kynningu hins vottaða merkis á helstu mörkuðum íslensks sjávarfangs. 

Frekari upplýsingar: Finnur Garðarsson, sími 5910308/8962400, Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það.

Þar sem nú styttist í að vottunarferli fyrir þorskstofninn við Ísland hefjist, er hér með efnt til fundar meðal félagsmanna SF og LÍÚ vegna kynningar- og markaðsmála verkefnisins um vottun ábyrgra veiða Íslendinga. Fundurinn verður haldinn í Reykjavík fimmtudaginn 25. febrúar kl 10-12

Dagskrá:
1. Viðtökur upprunamerkisins Iceland Responsible Fisheries
2. Staða vottunarverkefnis
3. Skipulag markaðsstarfs
4. Önnur mál
Vinsamlegast tilkynnið þátttöku á póstfangið Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það. sem fyrst.